Heit simmer widder doar,
so wie jed Joahr.
Trache unser Sprüchlein vor,
singe demnach mit unserm Chor.
Doch im Mittelpunkt sin grad net mir,
denn mir sinn net umsonst grad bei eich hier.
Wie jed Januar ham mer bei eich geschosse,
un es sinn die Fässer geflosse.
Unser Mädcha, die worn gut,
wen wunnerts, is es doch die Kerbborschbrut.
Aach die alde worn debei,
belegt ham se de Platz drei.
44 Punkte hat unser Hannah,
Glückwunsch vun mir, besser war kaum en anner.
Doch aan annem hatte mer noch,
mit 45 Punkte wars de Justin doch.
Genuch mit de Vergangeheit,
mir sinn fürs hier un jetz bereit.
Bei eich kann mer ja schee existiere,
un trinke e poar Biere.
Ringserum is schee grie,
do geht se gut runner die Brie.
Ihr habts hier schee un mir sinn da,
des is doch aafoch wunnerbar.